Shree KrishnawednesdaysaturdayBhaja Govindam
भज गोविन्दम् (मोहमुद्गर)
About Bhaja Govindam
Bhaja Govindam (भज गोविन्दम् (मोहमुद्गर)) is a sacred prayer dedicated to Lord Krishna. Rooted in Adi Shankaracharya, this composition carries deep spiritual significance. Regular recitation is believed to destroy attachment to wealth, beauty, youth, and worldly pleasures, shatter complacency and inspire immediate spiritual seeking, and universally regarded as one of the greatest spiritual compositions. This prayer is traditionally recited on Wednesday (Budhvar) and Saturday (Shanivar) and during Gita Jayanti and Guru Purnima to invoke divine grace. With 12 verses and a reading time of about 8 minutes, this prayer is ideal for both daily worship and special occasions. On this page, you can read the complete Bhaja Govindam in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री भज गोविन्दम् ॥
भज गोविन्दं भज गोविन्दं
गोविन्दं भज मूढमते।
सम्प्राप्ते सन्निहिते काले
न हि न हि रक्षति डुकृञ्करणे॥१॥
मूढ जहीहि धनागमतृष्णां
कुरु सद्बुद्धिं मनसि वितृष्णाम्।
यल्लभसे निजकर्मोपात्तं
वित्तं तेन विनोदय चित्तम्॥२॥
नारीस्तनभरनाभीदेशं
दृष्ट्वा मा गा मोहावेशम्।
एतन्मांसवसादिविकारं
मनसि विचिन्तय वारं वारम्॥३॥
नलिनीदलगतजलमतितरलं
तद्वज्जीवितमतिशयचपलम्।
विद्धि व्याध्यभिमानग्रस्तं
लोकं शोकहतं च समस्तम्॥४॥
यावद्वित्तोपार्जनशक्तः
तावन्निजपरिवारो रक्तः।
पश्चाज्जीवति जर्जरदेहे
वार्तां कोऽपि न पृच्छति गेहे॥५॥
यावत्पवनो निवसति देहे
तावत्पृच्छति कुशलं गेहे।
गतवति वायौ देहापाये
भार्या बिभ्यति तस्मिन्काये॥६॥
बालस्तावत्क्रीडासक्तः
तरुणस्तावत्तरुणीसक्तः।
वृद्धस्तावच्चिन्तासक्तः
परे ब्रह्मणि कोऽपि न सक्तः॥७॥
का ते कान्ता कस्ते पुत्रः
संसारोऽयमतीव विचित्रः।
कस्य त्वं कः कुत आयातः
तत्त्वं चिन्तय तदिह भ्रातः॥८॥
सत्सङ्गत्वे निस्सङ्गत्वं
निस्सङ्गत्वे निर्मोहत्वम्।
निर्मोहत्वे निश्चलतत्त्वं
निश्चलतत्त्वे जीवन्मुक्तिः॥९॥
वयसि गते कः कामविकारः
शुष्के नीरे कः कासारः।
क्षीणे वित्ते कः परिवारः
ज्ञाते तत्त्वे कः संसारः॥१०॥
मा कुरु धनजनयौवनगर्वं
हरति निमेषात्कालः सर्वम्।
मायामयमिदमखिलं हित्वा
ब्रह्मपदं त्वं प्रविश विदित्वा॥११॥
दिनयामिन्यौ सायं प्रातः
शिशिरवसन्तौ पुनरायातः।
कालः क्रीडति गच्छत्यायुः
तदपि न मुञ्चत्याशावायुः॥१२॥
द्वादशमञ्जरिकाभिरशेषः
कथितो वैयाकरणस्यैषः।
उपदेशो भूद्विद्यानिपुणैः
श्रीमच्छंकरभगवच्चरणैः॥
भज गोविन्दं भज गोविन्दं
गोविन्दं भज मूढमते।
सम्प्राप्ते सन्निहिते काले
न हि न हि रक्षति डुकृञ्करणे॥
॥ इति श्रीमच्छंकराचार्यविरचितं भजगोविन्दस्तोत्रं सम्पूर्णम् ॥
Benefits (फल)
- ★Shankaracharya's most accessible and powerful teaching on Vairagya
- ★Destroys attachment to wealth, beauty, youth, and worldly pleasures
- ★Awakens viveka (discrimination) about the transient nature of life
- ★Provides the ladder: Satsanga -> Nissanga -> Nirmoha -> Jivanmukti
- ★Shatters complacency and inspires immediate spiritual seeking
- ★Known as Moha Mudgara - the mace that destroys delusion
- ★Universally regarded as one of the greatest spiritual compositions