Shree KrishnawednesdaythursdaysaturdayGita Mahatmya
गीता माहात्म्यम्
About Gita Mahatmya
Among the most cherished prayers to Lord Krishna, Gita Mahatmya (गीता माहात्म्यम्) stands as a sacred prayer. Drawn from Padma Purana, this text has been cherished by devotees for centuries. Chanting this stotra with devotion is said to destroy all sins including maha-papas like water on a lotus leaf as well as lord Vishnu personally resides where Gita is recited. Additionally, it is known to describe the supreme glory and merits of reading Bhagavad Gita. This prayer is traditionally recited on Wednesday (Budhvar), Thursday (Guruvar), and Saturday (Shanivar) and during Gita Jayanti and Ekadashi to invoke divine grace. Comprising 17 verses, it can be completed in approximately 8 minutes, making it suitable for daily devotional practice. On this page, you can read the complete Gita Mahatmya in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री गीता माहात्म्यम् ॥
धरोवाच —
भगवन् परमेशान भक्तिरव्यभिचारिणी।
प्रारब्धं भुज्यमानस्य कथं भवति हे प्रभो॥ १॥
श्रीविष्णुरुवाच —
प्रारब्धं भुज्यमानोऽपि गीताभ्यासरतः सदा।
स मुक्तः स सुखी लोके कर्मणा नोपलिप्यते॥ २॥
महापापादिपापानि गीताध्यानं करोति चेत्।
क्वचित्स्पर्शं न कुर्वन्ति नलिनीदलमम्बुवत्॥ ३॥
गीतायाः पुस्तकं यत्र यत्र पाठः प्रवर्तते।
तत्र सर्वाणि तीर्थानि प्रयागादीनि तत्र वै॥ ४॥
सर्वे देवाश्च ऋषयो योगिनः पन्नगाश्च ये।
गोपालगोपिका वापि नारदोद्धवपार्षदैः।
सहायो जायते शीघ्रं यत्र गीता प्रवर्तते॥ ५॥
यत्र गीताविचारश्च पठनं पाठनं श्रुतम्।
तत्राहं निश्चितं पृथ्वि निवसामि सदैव हि॥ ६॥
गीताश्रयेऽहं तिष्ठामि गीता मे चोत्तमं गृहम्।
गीताज्ञानमुपाश्रित्य त्रींल्लोकान्पालयाम्यहम्॥ ७॥
गीता मे परमा विद्या ब्रह्मरूपा न संशयः।
अर्धमात्राक्षरा नित्या स्वनिर्वाच्यपदात्मिका॥ ८॥
चिदानन्देन कृष्णेन प्रोक्ता स्वमुखतोऽर्जुनम्।
वेदत्रयीपरानन्दतत्त्वार्थज्ञानसंयुता॥ ९॥
योऽष्टादशजपो नित्यं नरो निश्चलमानसः।
ज्ञानसिद्धिं स लभते ततो याति परं पदम्॥ १०॥
पाठेऽसमर्थः सम्पूर्णे ततोऽर्धं पाठमाचरेत्।
तदा गोदानजं पुण्यं लभते नात्र संशयः॥ ११॥
त्रिभागं पठमानस्तु गङ्गास्नानफलं लभेत्।
षडंशं जपमानस्तु सोमयागफलं लभेत्॥ १२॥
एकाध्यायं तु यो नित्यं पठते भक्तिसंयुतः।
रुद्रलोकमवाप्नोति गणो भूत्वा वसेच्चिरम्॥ १३॥
अध्यायश्लोकपादं वा नित्यं यः पठते नरः।
स याति नरतां यावन्मन्वन्तरं वसुन्धरे॥ १४॥
गीतायाः श्लोकदशकं सप्त पञ्च चतुष्टयम्।
द्वौ त्रीनेकं तदर्धं वा श्लोकानां यः पठेन्नरः।
चन्द्रलोकमवाप्नोति वर्षाणामयुतं ध्रुवम्॥ १५॥
गीतापाठसमायुक्तो मृतो मानुषतां व्रजेत्।
गीताभ्यसनसंयुक्तो मुक्तो भवति देहभृत्॥ १६॥
गीतेत्युच्चारसंयुक्तो म्रियमाणो गतिं लभेत्।
गीतार्थश्रवणासक्तो महापापयुतोऽपि वा।
वैकुण्ठं समवाप्नोति विष्णुना सह मोदते॥ १७॥
॥ इति श्री पद्मपुराणे गीतामाहात्म्यं सम्पूर्णम् ॥
Benefits (फल)
- ★Describes the supreme glory and merits of reading Bhagavad Gita
- ★Even reciting half, one-third, or a single verse of Gita grants immense merit
- ★Lord Vishnu personally resides where Gita is recited
- ★Destroys all sins including maha-papas like water on a lotus leaf
- ★All sacred tirthas are present where the Gita book exists
- ★Grants Vaikuntha even to great sinners who hear Gita's meaning
- ★Essential reading before beginning systematic Gita study