Shree NarasimhathursdaysaturdaysundayLakshmi Narasimha Karavalamba Stotram
लक्ष्मीनृसिंह करावलम्ब स्तोत्रम्
About Lakshmi Narasimha Karavalamba Stotram
Lakshmi Narasimha Karavalamba Stotram (लक्ष्मीनृसिंह करावलम्ब स्तोत्रम्) is a devotional hymn of praise dedicated to Lord Narasimha. Attributed to Adi Shankaracharya, this prayer holds a special place in Hindu devotional literature. Chanting this stotra with devotion is said to combine the grace of both Lakshmi and Narasimha as well as recitation leads to the lotus feet of the Lord (moksha). Additionally, it is known to destroy fear of death, disease, and Yama's messengers. It is especially recommended on Thursday (Guruvar), Saturday (Shanivar), and Sunday (Ravivar) and during Narasimha Jayanti for maximum spiritual benefit. The text contains 16 verses and takes around 12 minutes to recite, fitting conveniently into a daily spiritual routine. On this page, you can read the complete Lakshmi Narasimha Karavalamba Stotram in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री लक्ष्मीनृसिंह करावलम्ब स्तोत्रम् ॥
श्रीमत्पयोनिधिनिकेतनचक्रपाणे
भोगीन्द्रभोगमणिराजितपुण्यमूर्ते।
योगीश शाश्वत शरण्य भवाब्धिपोत
लक्ष्मीनृसिंह मम देहि करावलम्बम्॥ १॥
ब्रह्मेन्द्ररुद्रमरुदर्ककिरीटकोटि-
संघट्टिताङ्घ्रिकमलामलकान्तिकान्त।
लक्ष्मीलसत्कुचसरोरुहराजहंस
लक्ष्मीनृसिंह मम देहि करावलम्बम्॥ २॥
संसारदावदहनाकरभीकरोरु-
ज्वालावलीभिरतिदग्धतनूरुहस्य।
त्वत्पादपद्मसरसीरुहमागतस्य
लक्ष्मीनृसिंह मम देहि करावलम्बम्॥ ३॥
संसारजालपतितस्य जगन्निवास
सर्वेन्द्रियार्थबडिशाग्रझषोपमस्य।
प्रोत्कम्पितप्रचुरतालुकमस्तकस्य
लक्ष्मीनृसिंह मम देहि करावलम्बम्॥ ४॥
संसारकूपमतिघोरमगाधमूलं
सम्प्राप्य दुःखशतसर्पसमाकुलस्य।
दीनस्य देव कृपया पदमागतस्य
लक्ष्मीनृसिंह मम देहि करावलम्बम्॥ ५॥
संसारभीकरकरीन्द्रकराभिघात-
निष्पीड्यमानवपुषः सकलार्तिनाश।
प्राणप्रयाणभवभीतिसमाकुलस्य
लक्ष्मीनृसिंह मम देहि करावलम्बम्॥ ६॥
संसारसर्पविषदिग्धमहोग्रतीव्रं
दंष्ट्राग्रकोटिपरिदष्टविनष्टमूर्तेः।
नागारिवाहन सुधाब्धिनिवास शौरे
लक्ष्मीनृसिंह मम देहि करावलम्बम्॥ ७॥
संसारवृक्षमघबीजमनन्तकर्म-
शाखाशतं करणपत्रमनङ्गपुष्पम्।
आरुह्य दुःखफलितं चकितं दयालो
लक्ष्मीनृसिंह मम देहि करावलम्बम्॥ ८॥
संसारसागरविशालकरालकाल-
नक्रग्रहग्रसितनिग्रहविग्रहस्य।
व्यग्रस्य रागरसनोर्मिनिपीडितस्य
लक्ष्मीनृसिंह मम देहि करावलम्बम्॥ ९॥
संसारसागरनिमज्जनमुह्यमानं
दीनं विलोकय विभो करुणानिधे माम्।
प्रह्लादखेदपरिहारपरावतार
लक्ष्मीनृसिंह मम देहि करावलम्बम्॥ १०॥
बद्ध्वा गले यमभटा बहु तर्जयन्तः
कर्षन्ति यत्र भवपाशशतैर्यतन्तम्।
एकाकिनं परवशं चकितं दयालो
लक्ष्मीनृसिंह मम देहि करावलम्बम्॥ ११॥
लक्ष्मीपते कमलनाभ सुरेश विष्णो
यज्ञेश यज्ञ मधुसूदन विश्वरूप।
ब्रह्मण्य केशव जनार्दन वासुदेव
लक्ष्मीनृसिंह मम देहि करावलम्बम्॥ १२॥
एकेन चक्रमपरेण करेण शंख-
मन्येन सिन्धुतनयामवलम्ब्य तिष्ठन्।
वामेतरेण वरदाभयपद्मचिह्नं
लक्ष्मीनृसिंह मम देहि करावलम्बम्॥ १३॥
अन्धस्य मे हृतविवेकमहाधनस्य
चोरैर्महाबलिभिरिन्द्रियनामधेयैः।
मोहान्धकारकुहरे विनिपातितस्य
लक्ष्मीनृसिंह मम देहि करावलम्बम्॥ १४॥
प्रह्लादनारदपराशरपुण्डरीक-
व्यासाम्बरीषशुकशौनकभीष्मदाल्भ्यान्।
रुक्माङ्गदार्जुनवसिष्ठविभीषणादी-
न् पुण्यानिमान् परमभागवतान् स्मरामि॥ १५॥
लक्ष्मीनृसिंहचरणाब्जमधुव्रतेन
स्तोत्रं कृतं शुभकरं भुवि शंकरेण।
ये तत्पठन्ति मनुजा हरिभक्तियुक्ताः
ते यान्ति तत्पदसरोजमखण्डरूपम्॥ १६॥
॥ इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपाद-
शिष्यस्य श्रीमच्छंकरभगवतः कृतौ
श्री लक्ष्मीनृसिंह करावलम्ब स्तोत्रम् सम्पूर्णम् ॥
Benefits (फल)
- ★One of the most famous stotras by Adi Shankaracharya
- ★Each verse is a cry for divine hand (karavalamba) from worldly suffering
- ★Grants immediate protection and relief from samsara's afflictions
- ★Destroys fear of death, disease, and Yama's messengers
- ★Combines the grace of both Lakshmi and Narasimha
- ★Extremely powerful for protection against all forms of danger
- ★Recitation leads to the lotus feet of the Lord (moksha)