Shree NarasimhasaturdayLakshmi Narasimha Stotram
लक्ष्मी नरसिंह स्तोत्रम्
About Lakshmi Narasimha Stotram
Lakshmi Narasimha Stotram — लक्ष्मी नरसिंह स्तोत्रम् — is a devotional hymn of praise offered to Lord Narasimha. This sacred composition is sourced from Adi Shankaracharya and continues to inspire devotees worldwide. Chanting this stotra with devotion is said to protect from all worldly fears compared to fire, snake, and elephant as well as bestow both Lakshmi's wealth and Narasimha's protection together. Additionally, it is known to grant divine hand of support (Karavalambam) from Lord Narasimha. Recitation is particularly auspicious on Saturday (Shanivar) and during Narasimha Jayanti. Comprising 8 verses, it can be completed in approximately 10 minutes, making it suitable for daily devotional practice. On this page, you can read the complete Lakshmi Narasimha Stotram in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री लक्ष्मी नरसिंह स्तोत्रम् ॥
॥ ध्यानम् ॥
लक्ष्मीकान्तं नृसिंहं च सर्वलोकैकनायकम्।
वामाङ्के लक्ष्मीसहितं ध्यायेन्नित्यं हरिं परम्॥
॥ स्तोत्रम् ॥
श्रीमत्पयोनिधिनिकेतन चक्रपाणे
भोगीन्द्रभोगमणिराजितपुण्यमूर्ते।
योगीश शाश्वत शरण्य भवाब्धिपोत
लक्ष्मीनृसिंह मम देहि करावलम्बम्॥ १॥
ब्रह्मेन्द्ररुद्रमरुदर्ककिरीटकोटि-
संघट्टिताङ्घ्रिकमलामलकान्तिकान्त।
लक्ष्मीलसत्कुचसरोरुहराजहंस
लक्ष्मीनृसिंह मम देहि करावलम्बम्॥ २॥
संसारदावदहनातुरभीकरोरु-
ज्वालावलीभिरतिदग्धतनूरुहस्य।
त्वत्पादपद्मसरसीरुहमागतस्य
लक्ष्मीनृसिंह मम देहि करावलम्बम्॥ ३॥
संसारजालपतितस्य जगन्निवास
सर्वेन्द्रियार्थबडिशाग्रझषोपमस्य।
प्रोत्कम्पितप्रचुरतालुकमस्तकस्य
लक्ष्मीनृसिंह मम देहि करावलम्बम्॥ ४॥
संसारकूपमतिघोरमगाधमूलं
सम्प्राप्य दुःखशतसर्पसमाकुलस्य।
दीनस्य देव कृपया पदमागतस्य
लक्ष्मीनृसिंह मम देहि करावलम्बम्॥ ५॥
संसारभीकरकरीन्द्रकराभिघात-
निष्पीड्यमानवपुषः सकलार्तिनाश।
प्राणप्रयाणभवभीतिसमाकुलस्य
लक्ष्मीनृसिंह मम देहि करावलम्बम्॥ ६॥
संसारसर्पविषदिग्धमहोग्रतीव्र-
दंष्ट्राग्रकोटिपरिदष्टविनष्टमूर्तेः।
nागारिवाहन सुधाब्धिनिवास शौरे
लक्ष्मीनृसिंह मम देहि करावलम्बम्॥ ७॥
संसारवृक्षमघबीजमनन्तकर्म-
शाखायुतं करणपत्रमनंगपुष्पम्।
आरुह्य दुःखफलितं पततो दयालो
लक्ष्मीनृसिंह मम देहि करावलम्बम्॥ ८॥
॥ फलश्रुतिः ॥
लक्ष्मीनृसिंहचरणाब्जमधुव्रतेन
स्तोत्रं कृतं शुभकरं भुवि शङ्करेण।
ये तत्पठन्ति मनुजा हरिभक्तियुक्ताः
ते यान्ति तत्पदसरोजमखण्डरूपम्॥
॥ इति श्री लक्ष्मी नरसिंह करावलम्ब स्तोत्रं सम्पूर्णम् ॥
Benefits (फल)
- ★Grants divine hand of support (Karavalambam) from Lord Narasimha
- ★Protects from all worldly fears compared to fire, snake, and elephant
- ★Bestows both Lakshmi's wealth and Narasimha's protection together
- ★Composed by Adi Shankaracharya - extremely powerful for liberation
- ★Removes all sorrows and leads to the supreme abode