Shree ShivamondayKashi Vishwanath Stotram
श्री काशी विश्वनाथ स्तोत्रम्
About Kashi Vishwanath Stotram
Dedicated to Lord Shiva, the Kashi Vishwanath Stotram (श्री काशी विश्वनाथ स्तोत्रम्) is a devotional hymn of praise revered in Hindu tradition. Drawn from Skanda Purana - Kashi Khanda, this text has been cherished by devotees for centuries. Chanting this stotra with devotion is said to equivalent to worshipping Vishwanath at Kashi as well as destroy sins as fire destroys a forest. Additionally, it is known to bestow Shiva-sayujya (union with Lord Shiva). For best results, devotees chant this on Monday (Somvar) and during Maha Shivaratri and Shravan Somvar. At 11 verses long, the recitation takes roughly 10 minutes, making it accessible for regular devotional use. On this page, you can read the complete Kashi Vishwanath Stotram in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री काशी विश्वनाथ स्तोत्रम् ॥
ॐ नमः शिवाय विश्वनाथाय।
काशीपुरनिवासाय मोक्षदाय नमो नमः॥
गङ्गातरङ्गरमणीयजटाकलापं
गौरीनिरन्तरविभूषितवामभागम्।
नारायणप्रियमनङ्गमदापहारं
वाराणसीपुरपतिं भज विश्वनाथम्॥ १॥
वाचामगोचरमनेकगुणस्वरूपं
वागीशविष्णुसुरसेवितपादपीठम्।
वामेन विग्रहवरेण कलत्रवन्तं
वाराणसीपुरपतिं भज विश्वनाथम्॥ २॥
भूताधिपं भुजगभूषणभूषिताङ्गं
व्याघ्राजिनाम्बरधरं जटिलं त्रिनेत्रम्।
पाशाङ्कुशाभयवरप्रदशूलपाणिं
वाराणसीपुरपतिं भज विश्वनाथम्॥ ३॥
शीतांशुशोभितकिरीटविराजमानं
फालेक्षणानलविशोषितपञ्चबाणम्।
नागाधिपारचितभासुरकर्णपूरं
वाराणसीपुरपतिं भज विश्वनाथम्॥ ४॥
पञ्चाननं दुरितमत्तमतङ्गजानां
नागान्तकं दनुजपुङ्गवपन्नगानाम्।
दावानलं मरणशोकजराटवीनां
वाराणसीपुरपतिं भज विश्वनाथम्॥ ५॥
तेजोमयं सगुणनिर्गुणमद्वितीयं
आनन्दकन्दमपराजितमप्रमेयम्।
नागात्मकं सकलनिष्कलमात्मरूपं
वाराणसीपुरपतिं भज विश्वनाथम्॥ ६॥
रागादिदोषरहितं स्वजनानुरागं
वैराग्यशान्तिनिलयं गिरिजासहायम्।
माधुर्यधैर्यसुभगं गरलाभिरामं
वाराणसीपुरपतिं भज विश्वनाथम्॥ ७॥
आशां विहाय परिहृत्य परस्य निन्दां
पापे रतिं च सुनिवार्य मनः समाधौ।
आदाय हृत्कमलमध्यगतं परेशं
वाराणसीपुरपतिं भज विश्वनाथम्॥ ८॥
वाराणसीपुरपतेः स्तवनं शिवस्य
व्याख्यातमष्टकमिदं पठते मनुष्यः।
विद्यां श्रियं विपुलसौख्यमनन्तकीर्तिं
सम्प्राप्य देहविलये लभते च मोक्षम्॥ ९॥
विश्वनाथस्य या पूजा काश्यां मुक्तिप्रदायिनी।
तस्य स्तोत्रस्य पाठेन तत्फलं समवाप्नुयात्॥ १०॥
काशीक्षेत्रं न मुञ्चामि शङ्करोऽहं सदा शिवः।
मुमुक्षूणां प्रयच्छामि तारकं ब्रह्म शाश्वतम्॥ ११॥
॥ इति श्री काशी विश्वनाथ स्तोत्रम् सम्पूर्णम् ॥
Benefits (फल)
- ★Equivalent to worshipping Vishwanath at Kashi
- ★Grants moksha (liberation from cycle of rebirth)
- ★Bestows knowledge, prosperity, happiness and fame
- ★Lord Shiva grants Taraka Brahma mantra at death
- ★Destroys sins as fire destroys a forest
- ★Bestows Shiva-sayujya (union with Lord Shiva)