Shree GangamondayGanga Stotram
श्री गंगा स्तोत्रम्
About Ganga Stotram
The Ganga Stotram, known in Sanskrit as श्री गंगा स्तोत्रम्, is a devotional hymn of praise in praise of Goddess Ganga. Rooted in Adi Shankaracharya, this composition carries deep spiritual significance. Chanting this stotra with devotion is said to composed by Adi Shankaracharya - one of the holiest Ganga prayers as well as devotee of Ganga remain beyond the reach of Yama (death). Additionally, it is known to destroy all sins and purify the devotee completely. This prayer is traditionally recited on Monday (Somvar) and during Ganga Dussehra and Ganga Jayanti to invoke divine grace. At 12 verses long, the recitation takes roughly 8 minutes, making it accessible for regular devotional use. On this page, you can read the complete Ganga Stotram in Devanagari Sanskrit with English transliteration, Hindi meaning (arth), and free PDF download for offline recitation.
Reviewed & translated by Acharya Pushyadant Mishra
Stotra Path (स्तोत्र पाठ)
॥ श्री गंगा स्तोत्रम् ॥
देवि सुरेश्वरि भगवति गङ्गे त्रिभुवनतारिणि तरलतरङ्गे।
शङ्करमौलिविहारिणि विमले मम मतिरास्तां तव पदकमले॥१॥
भागीरथि सुखदायिनि मातस्तव जलमहिमा निगमे ख्यातः।
नाहं जाने तव महिमानं पाहि कृपामयि मामज्ञानम्॥२॥
हरिपदपाद्यतरङ्गिणि गङ्गे हिमविधुमुक्ताधवलतरङ्गे।
दूरीकुरु मम दुष्कृतिभारं कुरु कृपया भवसागरपारम्॥३॥
तव जलममलं येन निपीतं परमपदं खलु तेन गृहीतम्।
मातर्गङ्गे त्वयि यो भक्तः किल तं द्रष्टुं न यमः शक्तः॥४॥
पतितोद्धारिणि जाह्नवि गङ्गे खण्डितगिरिवरमण्डितभङ्गे।
भीष्मजननि हे मुनिवरकन्ये पतितनिवारिणि त्रिभुवनधन्ये॥५॥
कल्पलतामिव फलदां लोके प्रणमति यस्त्वां न पतति शोके।
पारावारविहारिणि गङ्गे विमुखयुवतीकृततरलापाङ्गे॥६॥
तव चेन्मातः स्रोतःस्नातः पुनरपि जठरे सोऽपि न जातः।
नरकनिवारिणि जाह्नवि गङ्गे कलुषविनाशिनि महिमोत्तुङ्गे॥७॥
पुनरसदङ्गे पुण्यतरङ्गे जय जय जाह्नवि करुणापाङ्गे।
इन्द्रमुकुटमणिराजितचरणे सुखदे शुभदे भृत्यशरण्ये॥८॥
रोगं शोकं तापं पापं हर मे भगवति कुमतिकलापम्।
त्रिभुवनसारे वसुधाहारे त्वमसि गतिर्मम खलु संसारे॥९॥
अलकानन्दे परमानन्दे कुरु करुणामयि कातरवन्द्ये।
तव तटनिकटे यस्य निवासः खलु वैकुण्ठे तस्य निवासः॥१०॥
वरमिह नीरे कमठो मीनः किं वा तीरे शरटः क्षीणः।
अथवा श्वपचो मलिनो दीनस्तव न हि दूरे नृपतिकुलीनः॥११॥
भो भुवनेश्वरि पुण्ये धन्ये देवि द्रवमयि मुनिवरकन्ये।
गङ्गास्तवमिदममलं नित्यं पठति नरो यः स जयति सत्यम्॥१२॥
येषां हृदये गङ्गाभक्तिस्तेषां भवति सदा सुखमुक्तिः।
मधुराकान्ता पञ्झटिकाभिः परमानन्दकलितललिताभिः॥
गङ्गास्तोत्रमिदं भवसारं वाञ्छितफलदं विदितमुदारम्।
शङ्कराचार्यरचितं पठन्ति सज्जनैर्मनसि ये धृतम्॥
॥ इति श्रीमच्छङ्कराचार्यविरचितं गङ्गास्तोत्रं सम्पूर्णम् ॥
Benefits (फल)
- ★Composed by Adi Shankaracharya - one of the holiest Ganga prayers
- ★Destroys all sins and purifies the devotee completely
- ★Liberates from the cycle of birth and death
- ★Devotees of Ganga remain beyond the reach of Yama (death)
- ★Grants the merit of residing at Ganga's banks
- ★Bestows Moksha and removes all sorrows, diseases, and fears